💚गुनासो 💚

www.uttamcare.blogspot.com






तिमि फुलेकी थियौ र पो! हेरे

नफुल्थ्यौ तिमि न हेर्थे मैले

मगमग मग्न सुवासना तिमि

न हुन्थ्यौ न वासना सुंघ्थे मैले



तिमि बोलेकी थियौ र पो! बोलें

न दिन्थ्यौ बोल्ने छुट न बोल्थे मैले

संकेत सधै हरियो दिन्थ्यौ तिमि

यदि हुन्थ्यो रातो न बुझ्थे मैले






देखायौ आस मुसलधारे र पो ! देखे

न दिन्थ्यौ साथ् न लिन्थे मैले

असरल्ल निराधार मन्दिर तिम्रो

न हुन्थ्यो पुजा न गर्थे मैले





तिमि झरी बन्यौ र पो! बन्जर बनें

न हुन्थ्यौ पानी न पिउंथे मैले

उर्जा को स्रोत हुन्थ्यौ तिमि

न दिन्थ्यौ हात न छुंथे मैले


-0-