Psychologist 👀

www.uttamcare.blogspot.com

घरबाट ५००  मिटर पर सारा मान्छेले पुज्ने झाक्री काका बसोबास गर्नुहुन्छ ।झाक्री काकालाई पुज्नुको कारण काकाले विभिन्न अदृश्य रोगहरु देखि लिएर प्रेत ,पिसाच सम्मको सफल शल्यक्रिया गर्नुहुदो रहेछ । मलाई काकाको विश्वास तब देखि लाग्यो जब मैले डाक्टर साहेब पनि आफ्नी श्रीमती र छोरो बिमार हुदा बाटेको धुप र चामलका दाना बोकेर धाउन थाले । मेरो साथी केही महिनादेखि पाइल्स रोगले ग्रस्त थियो ,निकै उपचार गराए पनि खासै उपलब्धी नभएकाले राम्रो उपचारको पर्खाईमा बसिरहेको थियो । मौका हेरि साथिलाई काका कहाँ पुर्याउने निधो गरे । काकाले आफ्नो झाक्री कोठा निकै राम्ररी सजाएका रहेछन ।धुलोको एक कण पनि मैले देख्न सकिरहेको थिइन ।

  एकेडेमीक पढाइ काकाको शून्य भएपनी कोठाको इन्टेरियर सजावट हेर्दा बुढा कोहि प्रशिक्षित डिजाइनर भन्दा कम छन भनेर अडकल गर्ने सामर्थ्य जुटाउन मुस्किल थियो । कोठाको वरिपरि र्याकमा बिध्यालयमा देखिएको भन्दा बढी किताबहरुको संग्रह थिए । मेरो आँखा यिनै चिज नियाल्दै थिए । बुढाको ओछ्यान भन्नू नै पराले राडी मा तन्दा ,एउटा सिरान र ओड्नलाई एउटा च्यादर देखिन्थ्यो । धुपौरोमा सालधुपको मन्त्र मुग्ध वास्नाले त्यो कोठामा पसेदेखी निकै आनन्द महसुस भैरहेको थियो । झाक्री काकाले आफुले पढिरहेको किताब मा मयुरको प्वाँख ले चिन्ह लगाउदै किताब बन्द गरे र भने के सेवा गरौ भाइ हो ? साथिले थोरै लाज मानेझै गर्यो र मलाई ईशारा गर्यो समस्या सुनाईदिन ।मैले निर्धक्क भएर साथिको समस्या अबगत गराईदिए । बुढाले आत्तिनुपर्दैन यसको उपचार निकै सहज छ तर केही सामान्य नियम पालना गर्नुपर्ने हुन्छ भने । एकाएक थुप्रै पटक औसधि र उपचारका लागि दौडधुप गरेको साथिको मुहार उज्यालो हुँदै गयो ।

 

 झाक्री काकाले चामलको दाना केलाउदै मेरो साथिलाई सोधे भाईको टाउको बेला बेला चट्किन्छ कि चट्कीदैन ??? बिसय भन्दा अलि फरक थियो प्रश्न !!! पिधको उपचारमा शिरको प्रश्न ??? म चकित थिए   दिशा बस्ने आसन तथा खानपानको प्रक्रिया सुनाउदै , तिमिलाई स्थानिय देउताले अलि बढी नै पिरेका रहेछन ।यसर्थ यो स्थिती सङ जुधिरहनुपरेकोले तिमिले देउता सङ माफी माग्न ,बिहान पाइखाना बस्ने समय नुहाईधुवाई गरेर एउटा छुट्टै तामाको अम्खरामा पानी लिएर दिशा बस्ने समय एउटा हातले अम्खरा को पानी नपोखाई टाउकोमा अड्याउनु । पानी पोखिनु भएन ! र त्यहि पानीले ४ हप्ता रेगुलर .............................गरे यो समस्या तिम्रो सदाको लागि अन्त्य हुन्छ तर बिचमा बिगार्यौ भने चै देउता रिसाउछन झन उग्ररूप लिन्छ । त्यसमा चै साबधान रहनु । 

 (mind washed )झाक्री बा को यो लजिक सर्वोच्च लाग्यो ।

 बुढाले केटोको ध्यान पिध तिर बाट तानेर टाउको माथी रहेको तामाको अम्खोराको पानीमा राखिदिएका थिए । कब्जियतमा लाग्ने बल अब पानीले खपत गर्न थालेको छ । रोग त उसको पाइल्स नै हो तर अब पाइल्सको दुखाई भन्दा टाउको माथी पानी अड्याउनु उसको चुनौती अनि सफलताको परिभाषा बनेको छ । अहिले  ऊ  खुसि देखिन्छ ,ठिक छ ,सन्तुस्ट छ  ,स्वस्थ भएको छ   !!!मान्छेको  मनोविज्ञान धेरै शक्तिशाली औसधि अनि उपचार पद्वती हो |